Кыргызстанда 2025-жылга карата айыл чарба каттоосу пландалып жатканын министрлер кабинетинин басма сөз кызматы билдирди. Эл каттоонун максаты – айыл чарбасынын негизги мүнөздөмөлөрү боюнча толук маалымат чогултуу.
Эл каттоо 2025-жылдын 1-ноябрынан 20-ноябрына чейинки мезгилге пландаштырылган. Мындан тышкары, 2024-жылдын ноябрында өлкөнүн айрым райондорунда сынамык каттоо жүргүзүлөт, ага ар кандай типтеги чарбалар, анын ичинде мамлекеттик, жамааттык, дыйкан чарбалары, жеке ишкерлердин чарбалары жана Кыргызстандын аймагында жайгашкан калктын жеке көмөкчү чарбалары кирет.
Эл каттоонун негизги максаты – айыл чарба тармагы боюнча эл аралык стандарттарга ылайык объективдүү жана толук маалымат алуу.