КРнын монополияга каршы башкармалыгы жүргүзгөн изилдөөгө ылайык, Кыргызстанда кайсы продукция баарынан кымбаттап кеткенин билүү мүмкүн болгон.
Тизмеге 14-июлдан 13-августка чейинки маалыматтар киргизилген.
Баанын жогорулашы төмөнкүлөр үчүн белгиленген:
- биринчи жана экинчи сорттогу буудай уну – 33,8 сомдон 34,1 сомго чейин жана 27,1 сомдон 27,8 сомго чейин (2,5 пайызга чейин);
- бензин АИ-80 – 50,6дан 52,6 сомго чейин (4 пайыз);
- АИ-92 – 53,1 сомдон 55,9 сомго чейин (5,3 пайыз);
- дизель майы – 48,1 сомдон 50,2 сомго чейин (4,4 пайыз).
Баанын төмөндөшү төмөнкүлөр үчүн белгиленген:
- кум шекер – 62,8 сомдон 61,9 сомго чейин (1,4 пайыз);
- тазаланган күн карама майы – 159,2 сомдон 150,6 сомго чейин (5,4 пайыз);
- картошка жана сабиз – тиешелүүлүгүнө жараша 35,3 сомдон 29,1 сомго чейин жана 68,6 сомдон 50 сомго чейин (27,1 пайызга чейин);
- он даана тоок жумурткасы – 88,5 сомдон 86,8 сомго чейин (1,9 пайыз).