Кыргызстанда 2022-жылга карата салык декларациясын юридикалык жана жеке жактар үчүн кабыл алуу башталды.
Мамлекеттик салык кызматы 2022-жылга Бирдиктүү салык декларациясын кабыл алуу кампаниясын баштады. Бул тууралуу МСК басма сөз кызматы билдирди.
Кезектеги декларациялык кампания эки этапта өтөт. Ага ылайык, 1 – апрелге чейин – юридикалык жактар, мамлекеттик жана муниципалдык кызматчылар жана 1-майга чейин-жеке жактар жана жеке ишкерлер өткөн жыл үчүн алынган кирешелер жөнүндө салык органдарына отчет берүүгө, ошондой эле экономикалык иш, мүлк объекттери жана жер участогу жөнүндө маалымат берүүгө тийиш.
Алсак, үстүдөгү жылдын 1-апрелине чейин БСДны мамлекеттик жана муниципалдык кызматчылар, дыйкан жана фермердик чарбаларды кошкондо ата мекендик уюмдар, ошондой эле Кыргыз Республикасынын аймагында туруктуу мекеме түзүү менен иш жүргүзгөн чет өлкөлүк уюмдар берүүгө милдеттүү.
1-майга чейин жеке ишкерлер, салык салынуучу мүлкү жана жер участогу (короо-жай тилкелерин кошпогондо), ошондой эле юридикалык жакты түзбөстөн иштеп жаткан дыйкан жана фермердик чарбалар салык декларациясын тапшырууга тийиш.
Мындан тышкары, 1-майга чейин БСДны жыл ичинде 300 миң сомдон ашык суммадагы мүлк сатып алган адамдар, мамлекеттик үлүш катышкан уюмдардын жана ишканалардын кызматкерлери, жашап турууга укугу же кайрылман статусу бар, эл аралык уюмдардагы ишинен киреше алган жарандар көрсөтүшөт.
Толук маалыматты жергиликтүү салык органдарынан, 116 телефону аркылуу жана салык кызматынын сайтынан алса болот.