КР Эмгек министрлиги: Кыргызстан жакырчылык менен күрөшүү үчүн 105 млн АКШ долларын алат

БУУнун Бүткүл дүйнөлүк азык-түлүк программасы (ДАП) Кыргызстандагы азык-түлүк программасын колдоо жана камсыздоо максатында Кыргызстанга 105 миллион АКШ долларын бекитти.

2023-2027-жылдарга кабыл алынган беш жылдык стратегиялык планга ылайык, Кыргызстан жакырчылыктан чыгуу жана азык-түлүк коопсуздугун сактоо боюнча түрдүү программаларды ишке ашыруу үчүн 90 миллион доллар өлчөмүндө колдоо алат. Дагы 15 миллион доллар жакырчылык менен күрөшүү боюнча активдүү чараларга багытталган долбоорлорго берилет.

Эмгек, социалдык камсыздоо жана миграция министрлигинин басма сөз кызматы билдиргендей, ведомствонун башчысы Кудайберген Базарбаев бүткүл дүйнөлүк азык-түлүк программасынын экинчи сессиясында Кыргызстандагы БУУ ДАПтын колдоосу менен ишке ашырылып жаткан жакырчылыкты жоюу боюнча чараларды жана азык-түлүк коопсуздугу программасын тааныштырды.

Базарбаев Бүткүл дүйнөлүк азык-түлүк программасынын Кытай Эл Республикасынын, Россия Федерациясынын, Германия Федеративдүү Республикасынын жана Япониянын туруктуу өкүлдөрү менен бир катар жолугушууларды өткөрдү.

Добавить комментарий