Жогорку Евразиялык кеңештин жыйынында КР Президенти Садыр Жапаров ЕАЭБ өлкөлөрүнүн өз ара эсептешүүсүндө улуттук валютаны көбүрөөк колдонууну сунуштады.
Анын айтымында, кризистин мүчө мамлекеттердин экономикасына тийгизген таасирин күчөткөн жагдайлардын бири – өз ара эсептешүүдө чет элдик валютанын колдонулушу.
«Тышкы инфляциялык факторлордун таасиринин күчөшүнүн шартында жана биздин экономикалардын атаандаштыкка жөндөмдүүлүгүн жогорулатуу үчүн эсептөөдө улуттук валютаны активдүү колдонуу зарыл», — деди Жапаров.
Ал Евразиялык экономикалык комиссия мамлекеттердин өкмөттөрү менен биргеликте бул маселе боюнча конкреттүү сунуштарды даярдоосу керектигин кошумчалады.