«Google боюнча салык»: КР МСК бир катар ири компаниялардан салык төлөө үчүн каттоодон өтүшүн талап кылат

Кыргызстандын Мамлекеттик салык кызматынын электрондук кызматтарды сатуу боюнча салык төлөөчү болуу талабын чет элдик ири компаниялар бир нече айдан бери аткарбай келет.

КР МСК чет өлкөлүк компанияларды аралыктан салыктык каттоодон өтүүгө жана өлкөдө электрондук кызматтарды көрсөтүү үчүн кошумча нарк салыгын (КНС) төлөөчү болууга үндөйт.

Алыстан каттоону vat.salyk.kg МСК кызматы аркылуу жүргүзүүгө болот. Каттоодон өткөндөн кийин чет өлкөлүк уюм идентификациялык салык номерин жана жеке кабинетке кирүү мүмкүнчүлүгүн алат.

Белгилей кетсек, МСК ушул жылдын ичинде бир катар ири уюмдардын электрондук почталарына, анын ичинде салык каттоосунан өтүү жана Кыргызстанда электрондук формада кызмат көрсөткөндүгү үчүн КНС төлөөчү болуу сунушу менен расмий кат жөнөткөн.

Бирок, тилекке каршы, бул компаниялар бир нече ай бою Мамлекеттик салык кызматынын “Google салык” деп аталган салыкты төлөө талабына көңүл бурбай келишкен.

Бүгүнкү күндө КРда электрондук түрдө кызмат көрсөткөн 18 чет элдик компания www.vat.salyk.kg сервисинде КНС төлөөчү катары аралыктан каттоодон өттү. Анын ичинде Бириккен Араб Эмираттарында (4), Нидерландыда (3), АКШда (2), Улуу Британияда (2), Россияда (2), Ирландияда (1), Арменияда (1), Казакстанда (1), Кипр (1 ), Латвия (1).

“Google Салыгы” деп аталган Кыргызстанда катталган домендик аталышты же IP даректи колдонбостон электрондук түрдө кызмат көрсөткөн чет өлкөлүк уюмдарга тиешелүү, аларды жеткирүү жери КР аймагы деп таанылат.

КНСтин ставкасы көрсөтүлгөн кызматтардын суммасына 12% түзөт.

Добавить комментарий