Бишкекте өтүп жаткан кыргыз-түрк бизнес форумунун алкагында министрлер кабинетинин башчысы Акылбек Жапаров түркиялык компаниялардын өкүлдөрү менен жолугушуу өткөрдү.
Диалогдун жүрүшүндө тараптар жеңил өнөр жай, медицина, фармацевтика жана билим берүү сыяктуу түрдүү тармактардагы келечектүү долбоорлорду талкуулашты. Бул идеяларды иш жүзүндө ишке ашырууга эки тарап тең кызыкдар экенин билдирип, Акылбек Жапаров мындан аркы кызматташуу жана түрк ишкерлеринин Кыргызстанда ийгиликтүү бизнес жүргүзүүсү үчүн жагымдуу шарттарды түзүү зарылдыгын белгиледи.
Министрлер кабинетинин башчысы кыргыз тарап жетишилген макулдашууларды жигердүү колдоого жана ишке ашырууга, муну менен эки өлкөнүн ортосундагы экономикалык байланыштарды чыңдоого даяр экендигин баса белгиледи.