ЕККУнун Европа өлкөлөрүнүн өкүлдөрү КРга Борбордук Азия боюнча жумушчу сапарынын алкагында келишти

Европадагы Коопсуздук жана Кызматташтык Уюмунун (ЕККУ) элчилери Борбор Азияга иш сапары менен барышты.

Улуу Британия, Германия, АКШ жана Франциянын ЕККУдагы туруктуу өкүлдөрү азыр Кыргызстанда. Бул тууралуу kaktus.media маалымдайт.

Белгиленгендей, топко Нил Буш (Улуу Британия), Геза Браутигам (Германия), Майкл Карпентер (АКШ) жана Кристин Фаж (Франция) элчилери кирет. Аймактык турнесинин алкагында алар буга чейин Тажикстан, Казакстан жана Өзбекстанда болушкан.

Кыргызстанга болгон иш сапарынын алкагында алар тышкы жана ички иштер министрликтеринде жолугушууларды өткөрүп, ЕККУнун Бишкектеги Программалык кеңсесинде, ошондой эле ЕККУнун Академиясында болушат. Мындан тышкары, элчилер ЕККУнун колдоосу менен Мамлекеттик бажы кызматынын кинология борборуна барышат.

«Элчилер тобу жер-жерлерге баруудан тышкары Кыргызстандагы жарандык коомдун өкүлдөрү менен да жолугушат», — деп айтылат маалыматта.

«Борбордук Азия биз үчүн маанилүү аймак, ошондуктан биз бул жакка төрттүк форматта саякаттайбыз. Жарандык коомдун өкүлдөрү менен жолугушабыз, долбоорлорду жеринде көрөбүз, бийлик өкүлдөрү менен жолугушабыз. Биз дагы бир жолу биргелешкен иштин маанилүүлүгүн баса белгилейбиз, ЕККУнун ишмердүүлүгүн жана уюмдун ишинин бардык приоритеттүү багыттары боюнча коопсуздук маселелерин талкуулайбыз», — деп айтылат элчилердин иш сапарынын алдындагы биргелешкен билдирүүсүндө.

Добавить комментарий