Оштун жанында ӨКМ кызматкерлери өрттөнүп кетүү коркунучу жогору болгондуктан, оодарылып кеткен цистерналардагы бензинди башка контейнерге куюп жатышат. Бир киши каза болгону кабарланууда.
ӨКМ маалыматына караганда, 21-декабрда Нариман айыл аймагынын аймагында жайгашкан ӨКМдин Өзгөчө кырдаалдарга чара көрүү түштүк борборунун мунай базасынын жанында 3 вагон рельстен чыгып, оодарылып кеткен.
Окуянын кесепетинен жол көзөмөлдөөчү 1963-жылы туулган Э.У. каза болгон. Анын сөөгү азырынча унаанын астынан чыгарыла элек.
Өрттүн алдын алуу үчүн куткаруучулар бензинди цистерналардан башка цистерналарга куюшат.