Севастопольдогу Крым жарым аралында Россиянын Кара деңиз флотунун штабына учкучсуз учуучу аппараттын кол салуусунда беш адам жаракат алды, деп билдирди губернатор Михаил Развожаев ЖМКларга кырдаал боюнча.
«Флоттун башкы кеңсесинин короосуна белгисиз объект учуп кирген, алдын ала маалыматтар боюнча, бул учкучсуз учак. Беш адам жабыркаган, алар флоттун штабынын мүчөлөрү, каза болгондор жок. Баарына жардам көрсөтүлдү», — деп жазды губернатор Telegram баракчасына.
Кол салуу деңиз флотунун күнү болгон. Бардык майрамдык иш-чаралар «коопсуздук үчүн» токтотулду.
Аннексияланган Севастопольдогу Кара деңиз флотунун штабына кол салган учкучсуз учак колго жасалганын маалымат агенттиктери флоттун басма сөз кызматына таянуу менен билдирди. Учкучсуз учуучу аппарат «аз өндүрүмдүү жардыруучу түзүлүш» менен жабдылган.
Айнек сыныктарынан жабыркагандарга жардам көрсөтүлгөнүн айтышты.
Украин армиясы бул айыптоолор боюнча комментарий бере элек, бирок Одесса администрациясынын спикери Сергей Братчук флоттун штабына кол салуу тууралуу билдирүүлөрдү “түз эле чагым” деп атаганга жетишкен.
«Биздин Крымды баскынчылардан бошотуу башкача жана алда канча натыйжалуу болот. Ар нерсенин өз убактысы болот. Баарыбызга чыдамкайлык жана кайраттуулук», – деди Братчук.