Кыргыз Республикасынын борбор калаасы Бишкек шаарында милиция кызматкерлери алдамчылык схемаларды уюштуруп, өзгөчө ири өлчөмдө башка бирөөнүн акчасын ыйгарып алган деп шектелген жаранды кармашты.
Бул тууралуу 29-августта Бишкек шаарынын Октябрь РИИБнын басма сөз кызматы билдирди.
Борбор калаанын тургунунун айтымында, 17-март күнү эки жаран андан 65 миң доллар жана 2016-жылы чыгарылган Мерседес-Бенц үлгүсүндөгү 25 миң долларлык унаасын алып кетишкен. Бул үчүн алар эки квартира бериши керек болчу, бирок аягында алданып калышты.
Келтирилген зыяндын суммасы 8 миллион 300 миң сомду түздү. Бул факты КР Жазык кодексинин 209-беренеси («Алдамчылык») менен КЖБРге катталды.
Октябрь РИИБнын ыкчам кызматкерлери тарабынан кылмышка шектүү 1989-жылы туулган А.Ж. кармалды. Ал эки айга СИЗО-1ге киргизилген. Милиция дагы бир шектүүнү издеп жатат.
Милиция кармалган адамдын башка кылмыштарга тиешеси бар экенин жокко чыгарбайт. Буга байланыштуу укук коргоо органдары шектүүнүн аракеттеринен жапа чеккен же кандайдыр бир маалыматы бар адамдарды төмөнкү телефондорго билдирүүнү суранат: 0 (709) 00-91-26, 0 (703) 333-201, 0 (500) 102-305 же 102.