Бишкекте мас абалында чогуу жашаган жаранын өлтүргөн жаран кармалды.
Төмөнкү Ала-Арча айылынын тургуну адам өлтүргөн деген айып менен кармалды. Бул тууралуу 23-январда Чүй облустук ИИББ басма сөз кызматы билдирди.
Маалымат милицияга 23-январда келип түшкөн. 37 жаштагы К.Р. бычактан алган жаракатынан улам тез жардам келгенге чейин каза болгон. Аталган факты КР Кылмыш-жаза кодексинин 122-беренеси («Киши өлтүрүү») менен КЖБРге каттоого алынган.
Аламүдүн РИИБнын ыкчам кызматкерлери ыкчам иликтөө иштеринин натыйжасында кылмышка шектүүнү кармашкан. Ал 1988-жылы туулган Г.А. аттуу жергиликтүү тургун болуп чыкты.
«Ал өзү чогуу спирт ичимдиктерин ичип алып, чыр-чатактан улам аялды бычак менен сайып салганын өзү түшүндүргөн», — деп айтылат маалыматта.
Кармалган адам убактылуу кармоочу жайга киргизилди. Тергөө иштери уланууда.