Мамлекеттик миграция кызматынын маалыматтык-консультациялык борборунун директору Кубандык Акматбеков бүгүнкү брифингде 2021-жылы чет өлкөлөрдө каза болгон кыргыздардын 124 сөөгү Кыргызстанга алынып келингенин айтты.
Анын айтымында, алты айда 102 эркектин жана 22 аялдын сөөгү «жүк-200» менен Кыргызстанга жеткирилген:
22 жашка чейин – 7 адам;
22 жаштан 30 жашка чейин – 26 адам;
30 жаштан 40 жашка чейин – 28 адам;
40 жаштан жогору – 63 адам.
Кубандык Акматбековдун айтымында, мекендештердин өлүмүнүн себептеринин катарында:
оору – 91 адам;
кырсык – 12 адам;
адам өлтүрүү – 2 адам;
Жол кырсыгы – 6 адам;
суицид – 2 адам;
өлүмдүн себеби аныктала элек – 9 адам.
Акматбеков ошондой эле жалпысынан жылына «жүк-200» менен чет өлкөлөрдө каза болгон кыргыз жарандарынын 300гө жакын сөөгү Кыргызстанга келип жаткандыгын белгиледи.
Расмий маалыматка ылайык, дээрлик 4 жылдан бери 919га жакын адам Кыргыз Республикасынын каза болгон жарандарынын сөөгүн мекенине кайтаруу үчүн компенсация сурап кайрылышкан:
2018-жылы – 200 адам,
2019-жылы – 295 адам,
2020-жылы – 300 адам.
2021-жылдын 4 айында 124 адам кайрылган. Аларга 6 миллион 200 миң сом төлөнгөн.