Кыргызстандын экономикасы өсүү туу чокусуна жакындап калды. Талдоочулар бул көрсөткүч өткөн жылдагы базанын төмөндүгүнө байланыштуу түзүлгөнүн белгилешүүдө.
Бул тууралуу Евразия өнүктүрүү банкынын макроэкономикалык баяндамасында айтылат.
Экономикалык өсүштүн ылдамдашы негизинен 2021-жылдын декабрында алтын өндүрүүнүн болжол менен төрт эсеге көбөйүшү менен шартталган. Ошол эле учурда, 2020-жылдын төмөнкү базасынын таасири 2022-жылдын биринчи айларында ИДПнын өсүшүнө таасирин тийгизет.
«Экономиканын жакшыруусу негизинен өндүрүш жана чекене секторлор менен шартталган, ал эми айыл чарбасы менен курулуштун төмөндөөсү уланууда. Ички инвестиция жана керектөө суроо-талаптары да начар бойдон калууда. 2022-жылдын башында ИДПнын ылдамдашы уланат деп болжолдоп жатабыз. Төмөн базалык эффекттин түгөнүшүнө байланыштуу биринчи жарым жылдын аягында экономикалык өсүш темпинин басаңдашы күтүлөт», — деп айтылат серепте.