Кыргызстан ЕАЭБге мүчө өлкөлөрдүн арасында мал жана канаттууларды өндүрүү боюнча алдыңкы орундардын бирине айланды.
ЕАЭБде 2022-жылдын январь-мартында айыл чарба продукциясы 1,6 пайызга өстү, деп билдирди Евразия экономикалык комиссиясынын басма сөз кызматы.
ЕЭКтин маалыматы боюнча Кыргызстанда 2,3 пайызга, Россияда 1,9 пайызга, Казакстанда 1,8 пайызга өсүш байкалган.
«Анын ичинде мал чарбачылыгынын негизги продуктыларын өндүрүү көбөйдү: союлуучу мал жана канаттуулар (тирүү салмакта) — 4,3 пайызга, сүт — 1,5 пайызга, жумуртка — 3,2 пайызга. Мал жана канаттууларды союу көлөмүнүн өсүшүндө Россия (+ 5,5%) жана Кыргызстан (+ 2,8%) лидер болушту.
Арменияны кошпогондо, ЕАЭБ бардык мамлекеттеринде сүт өндүрүү көбөйдү, бирок бул өлкө жумуртка өндүрүүнүн максималдуу өсүшү менен айырмаланды – 14,7 пайызга. Казакстанда ушул эле көрсөткүч 12,8 пайызга өскөн.
