Кыргызстандын бийлиги өлкөдөгү малдын көбү Өзбекстанга жөнөтүлүп жатканын кабарлады.
2022-жылдын январь-март айларында Кыргызстандан 1 миллиард 297 миллион 991,8 миң сомго айыл чарба жаныбарлары экспорттолду. Анын ичинен Өзбекстанга 1 миллиард 120 миллион 819,7 миң сомдук мал экспорттолгон. Мындай маалыматты Улуттук статистикалык комитет билдирет.
Анын айтымында, Кыргызстандан негизинен 51 миң 895 баш кой-эчки 741 миллион 692,8 миң сомго экспорттолду. Кой-эчкилер Өзбекстан менен Грузияга жеткирилген.
Быйыл Кыргызстан Өзбекстанга гана 6 миң 876 баш бодо малды 375 миллион 434,9 миң сомго экспорттогон.
Эң азы чет өлкөгө 3 миң 172 баш 180 млн 864,1 миң сомго жылкы, эшек, качыр сатылды. Алар Казакстан менен Өзбекстанга жеткирилген.