Франция менен Израилдин лидерлери Украинанын аймагында ок атышпоо керек деген позицияда турушат.
Эммануэль Макрон менен Нафтали Беннет «Украинада ок атышууну токтотууга жетишүү үчүн аракеттерди координациялоону улантууга жана бул өлкөнүн эгемендигин жана аймактык бүтүндүгүн урматтоо менен сүйлөшүүлөрдү жүргүзүүгө макул болушту»
Франциянын президенти Эммануэль Макрон менен Израилдин премьер-министри Нафтали Беннет телефондук сүйлөшүүсүндө Украинадагы кырдаалды талкуулап, ок атышпоону камсыз кылуу үчүн эки өлкөнүн аракеттерин координациялоого чечкиндүү экендиктерин билдиришти. Бул тууралуу шейшембиде Елисей сарайында жарыяланды.
«Республиканын президенти менен Израилдин премьер-министри [Украинада] ок атышууну токтотууга жетишүү боюнча аракеттерди координациялоону улантууну жана Украинанын эгемендүүлүгүн жана аймактык бүтүндүгүн урматтоо менен сүйлөшүүлөрдү жүргүзүүнү макулдашышты», — деп айтылат коммюникеде. Лидерлер ошондой эле бул кризистин шартында глобалдык азык-түлүк коопсуздугун камсыздоо боюнча биргелешкен демилгелерди көтөрүүнү макулдашты.
