COVID-19 пациенттердин жашына карабастан, интеллекттин төмөндөшүнө жана когнитивдик кыйынчылыктарга алып келиши мүмкүн.
Бул тууралуу Новосибирск шаарындагы No3 психиатриялык оорукананын башкы дарыгери Яна Мохначева билдирди.
Адистин айтымында, COVID-19 оорусунан айыккан адамдар көбүнчө когнитивдик бузууларды — эс тутумдун жана интеллектуалдык функциялардын төмөндөшүн сезишет. Калыбына келтирүү өтө жай — 4-8 айдын ичинде же андан көп.
Инфекция оору учурунда жана клиникалык айыккандан кийин психикалык ден-соолукка таасир этет. Көптөгөн улгайган адамдар ооруга чалдыккандан кийин алсыз жана акыл-эси кем болуп калышат.
Когнитивдик кыйынчылыктар жаштарда дагы болот. Коронавирусту жуктургандар ар кандай түрдөгү тынчсыздануу, дүрбөлөң, стресстен, невроздордон жана фобиялардан жабыркап, бир пайызга жетпеген учурларда психоз менен жабыркашат.