Билим берүү министрлиги бүтүрүү кечелерин коомдук жайларда, ошондой эле кечинде жана түнкүсүн белгилөөгө тыюу салуу чечимин кабыл алды.
Билим берүү министрлигинин басма сөз кызматы билдиргендей, министрликтин буйругу менен билим берүү уюмдарынын бүтүрүүчүлөрүнө мамлекеттик билим жөнүндө документтерди тапшыруу аземине арналган салтанаттуу иш-чара өттү.
Буйрукка ылайык, билим берүү органдарынын, жергиликтүү өз алдынча башкаруу органдарынын жана ата-энелер коомчулугунун өкүлдөрүнүн катышуусу менен жалпы билим берүү уюмдарынын бүтүрүүчүлөрүнө негизги жалпы жана орто жалпы билим жөнүндө документтерди тапшырууга арналган салтанаттуу иш-чаралар төмөнкү мөөнөттөрдө өткөрүлөт:
— 2022-жылдын 5-июлунда саат 9.00дө 9-класстын бүтүрүүчүлөрү үчүн;
— 2022-жылдын 7-июлунда саат 9.00дө 11-класстын бүтүрүүчүлөрү үчүн.
Мектептин аймагында, оюн-зоок жайларында жана башка коомдук жайларда бүтүрүү кечелерин кечинде жана түнкүсүн өткөрүүгө тыюу салынат.
Жалпы билим берүү уюмунун аймагында мектеп окуучуларынын коопсуздук жана укук бузуулардын алдын алуу чараларын көрбөгөн, ошондой эле акча каражаттарын чогултууга жол берген мектеп директорлоруна, класс жетекчилерине жана мугалимдерге ээлеген кызматынан бошотууга чейинки тартиптик жаза чаралары көрүлөт.
